Ina son ƙarin sani game da abin da likitocin da suke yin aikin da kan su suke tunani game da shi. Wannan shi ne abin da Dr Annie*, wata ƙwararriyar likita a wani sanannen asibiti da ke tsakiyar birnin Legas a Najeriya ta ce game da wannan batu.

Dr Annie ta yi imanin cewa tana yin duk abun da ya dace. Ta yi iƙirarin zubar da cikin ne saboda ta yi imani da bawa mutane dama ta biyu. Ta tuno wani lamari da ya maƙale mata.

"An kawo wata yarinya zuwa asibiti domin zubar da cikin bayan an yi mata fyaɗe, ga alama matashiya ce kuma ba ta da ƙarfi. Binciken da aka yi ya nuna cewa ta cika makonni sha-bakwai da yin ciki. Wannan lamari ne mai sarƙaƙiya saboda ƙarama ce. mai yiwuwa ta ji zafi kaɗan zafi idan aka kwatanta da babbar mace, na fara aikin ne ta hanyar dilating ɗin ta, sai da aka ɗau tsawon lokaci kafin a buɗe mahaifar, da zarar ya yi faɗi sosai yadda ake so, sai na sa na'urar wuƙaƙe a cikin ta, ta zabura, Ba a ba ta maganin kwantar da zogi ba saboda ina son ta kasance mai amsawa, bayan an gama aikin, an sanya mata ido yayin da aka sassauƙar da wani ruwa da jini daga cikin farjin ta.

Abin takaici, dole ne in sake yin aikin saboda wasu abubuwa suka maƙale a cikin mahaifar ta. Dole ta sake shiga cikin yanayin zafin. Ya kasance irin wannan mara daɗi ga yarinya. Bayan an yi mata na biyu, ta yi asarar jini mai yawa, har sai da aka sanya ta a cikin ɗakin kulawa mai tsanani har sai da jinin ya lafa. Ta yi fama don dawo da daidaito a hankali da nutsuwan ta. Lamarin ya yi matuƙar wahala ga tunanin matashiyan.

Zama uwa ba wasan yara bane. Ba daidai ba ne a sanya ta cikin damuwa na tunani da tunanin da ke tattare da shi, ba tare da la'akari da kowane irin tallafin iyali ba. Ya kamata a bar yara su zama ƴaƴan, kuma kada a dinga nuna musu tsana da hantara. A matsayin mu na ƙwararrun kan kiwon lafiya da ke ba da irin wannan gudunmawa, ba mu da ra'ayi ko kaɗan don tilastawa iyaye ko matan da suka zo zubar da ciki. Za mu iya tantancewa da bayyana yiwuwar haɗarin da za a iya shiga waɗanda za su ƙayyade idan za a iya aiwatar da shi ko a'a. A ra'ayi na, ina ganin yana da kyai a ba ta dama ta biyu a rayuwa mai inganci."

*An canza sunaye masu alamar tauraro don kare sunayen waɗanda suka yi magana da  Correspondents of the World bisa sharaɗin sakaye sunan su.

Read Part 4 - The Legal Reality of this story series on Untold Abortion Stories from Nigeria here.